好味到無譜的一餐~呢個係酥皮馬蹄糕啊!

呢個酥皮馬蹄糕真係好吸引!
我是跟長輩來飲茶，初見她要這點心，都未知咁好食。
點知一食先發現，可以好食到咁，又酥又甜但又有兩種不同的質感，既軟又酥，令人想大拍手掌。
不過，好吃的還有太多，差不多要的都是極之好食!
原來美食真的無處不在，就看你有無食神啦!
呢日，食神沒有離我而去!

*馬蹄酥真的超好食，面層不似一般的會散酥皮，加上面層的糖漿，已經好好味!不過，點知加埋夾在中間一層的馬蹄糕，超好食的點心!

*好似螺旋狀的奶皇包，入面的奶皇又軟又流瀉出來，似足流沙包咁。

*有圖為証!

*我唔記得係蝦餃皇定係鳳眼餃，不過餃皮好煙韌。

*鮮蝦菜苗餃，好靚~

*呢個係鮑魚片粥。

*鮑汁叉燒包，鮑汁就唔覺但個包皮好鬆化，好好味!

*腸粉皮好煙韌，讚!

>>真係好味到無話可說，可惜在小西灣，好想帶家中兩位大人去食啊~

德馨苑海鮮酒家
地址 : 柴灣小西灣道28號藍灣半島商場UG11-12舖
電話 : 2889 7700
**尚有大埔、秀茂坪等分店

HOHOHO!!!聖誕日快樂!

真係估佢唔到，$10四個酥(山崎買)，真係幾好食!
翌日食都仲好鬆脆!
在此祝大家日日都開心快樂!
天天有食神!

下午茶勁抵食....二十幾蚊食炸魚+薯仔沙律+飲品

或者你可以話，我又要返工點食下午茶?
我明，但星期六、日都好，都要選下午茶來食，原因價錢差好遠之外，仲因為可以食多好多唔同款式，但價錢差好遠。
好似呢間下午茶，平均二十幾蚊一個餐，特別個意粉抵食到無譜，去快餐店都食唔到。女仔，真係夠兩個人食!
呢日三個人要了四個餐再加一個麵包，就可以當晚餐食!
你明我點解成日呻貴，只是一百多小小夠三個人食有餘，平均三十幾蚊一個人。
想點?!
而時間到六時前，即五時後六時前去食都仲食到!
真係好過食正餐。
>>其實有d下午茶在星期六、日都有，真係好過食正餐!我會搵多d比大家啦!

*呢個薯仔沙律真係幾好食，後面既炸魚無咁燶，但為了前面既薯仔色，唯有犧牲佢。^^

*呢個追加既餐，因為我想食

那朱古力炸多士，但最後是失望啊!麵包無味，湯粉又淡，唯獨隻雞翼可以一食!

*一直我認為最抵食既意粉，大碟到可以夠兩個人食!你睇，真係好大碟，再加芝士及黑椒，無敵....超肥!

*另一個有湯粉及豬扒包，味道ok啦!

*再加$10仲有大大個包，一旁既鮮茄汁，兩位大人食得好開心!^^

>>近期再食到其他抵食既下午茶，再update啦!^^
波濤餐廳
地址: 九龍葵芳新都會廣場138號舖
電話: 2856 8680

牛奶啊!我與你緣份未到!

早前央求大人買了這牛奶!
本來想喝一次熱奶，發一個美夢。
然後，一天在雪櫃發現此牛奶仍在雪櫃內。
再看期限已過了十多天!
呵~
原來，美夢是不用靠熱奶而來!
因為，沒有熱奶，我每天也仍是努力地睡一覺。
只要我願意早一點睡就好了!
可是，我此刻仍在上網.....優質睡眠，似乎仍離我很遠。
是不是要再買一包奶?
>>為何要買此雀巢低脂朱古力奶?
很簡單....因為黑色盒好high!
膚淺?我認呀!
但真係好靚呀!女人就係如此簡單!

香港商場活動一覽

終於來到海港城....聖誕樹大集合!現已上載http://hk.myblog.yahoo.com/doublepp2004/article?mid=31791&new=1
四圍八聖誕商場景4...九龍灣德福廣場...迪士尼彼思動畫襲地鐵現已上載http://hk.myblog.yahoo.com/doublepp2004/article?mid=31423&new=1
四圍八聖誕商場景3...「又一城歡天雪地」...獻上無盡的聖誕歡樂
http://hk.myblog.yahoo.com/doublepp2004/article?mid=31362
四圍八聖誕商場景1...apm...童話國度加兩層樓咁高既聖誕樹http://hk.myblog.yahoo.com/doublepp2004/article?mid=31276
四圍八聖誕商場景2...荃灣地鐵平台...迪士尼車仔歡迎你!http://hk.myblog.yahoo.com/doublepp2004/article?mid=31279
四圍八聖誕商場景2...荃灣地鐵平台...迪士尼車仔歡迎你!現已上載http://hk.myblog.yahoo.com/doublepp2004/article?mid=31279&new=1
四圍八聖誕商場景१...apm...童話國度加兩層樓咁高既聖誕樹現已上載!http://hk.myblog.yahoo.com/doublepp2004/article?mid=31276&new=1
白雪公園在朗豪坊.....係咪好靚呢?
http://hk.myblog.yahoo.com/doublepp2004/article?mid=30423
滿載歡欣的Thomas & FriendsTM聖誕活動及裝飾http://hk.myblog.yahoo.com/doublepp2004/article?mid=30896

$18食碗肉骨茶?!

我呢日就在星加坡餐廳等大人到時， 竟然給我找到這個肉骨茶。

嘩!$18一碗咋!

於是要一碗試試。
想唔到又幾大碗，而且兩大舊肉骨，而湯亦有濃濃的藥材味!
呢個價錢，真係有d無話可說。
不過，到大人食個炒貴刁，就被評水準普通，無以前食過般美味。
而我個咖哩牛腩飯，可能係餐關係，只係得三幾

件又韌又唔好食既牛腩。
至於個春卷，就....普通過普通。
唔知只係上去飲呢個湯，會唔會畀人趕?

*湯份量都ok呀!都幾多油，但可接受程度!

*我個咖哩牛腩飯係有湯，就湯一碗咯。

*個星加坡春卷夠脆，就得咁多!

*阿大人既炒貴刁，無晒呢類店既特色....似去茶餐廳食!

*我本來想食麻薯燒，但肉骨茶加個麻薯等於個餐，真係難選擇。

*樓下超多人既係沙嗲王，而樓上呢間都夠大亦有唔少食客，但有d侍應超遊魂，人地order既菜追完又追。而sever我地既男侍應，有d又超無禮貌，而家做食肆都幾難!

星加坡餐廳
地址:九龍旺角彌敦道655號胡社生行5樓
電話:3165 8122

家族茶聚....這個午茶由蟹粉做主角?!

先講明。
我唔知而家仲有無呢款蟹粉小籠包及蟹粉點心!
但當日食到，真係呆咗!
唔係特別平...雖然呢個蟹粉小籠包都只係$10個。
不過，其他食物來講，不單蟹粉類點心好味，連其他點心也十分出色。
真的出色的這餐茶點，最多謝....自然是我那又請客又介紹好地方的靚妹妹。
謝過了!再等你的美食推介!


*這小籠包黃色部份就是蟹粉造成?我也不知啊!總之很美味就是了!











*呢個另一種的蟹粉包，蟹味更濃!















*仲有呢個薑汁奶糕，又香又濃!
















*呢度整既腸粉很滑，值得一試。







*這是母親大人最愛的煎鍋貼。












*我都忘記了這係唔係蟹肉做既長春卷，亦很脆口很好食!











*這是我喜歡的菜餃，愛其煙韌皮，好好食!



















*仲有呢個細妹最喜歡的杏汁包!

>>雖然二宜價錢唔平，但真係好好食，下次相信要待細妹去完旅行後回港才再食吧!^^
>>不過大人話而家最喜歡是新的甜品--椰子焗布甸!何時有得食?!^^
二宜樓
地址 : 灣仔告士打道138號聯合鹿島大廈1樓
電話 : 2511 1228

ifc食日式雞軟骨漢堡

之前已說過那間可以凍到令食物極速急凍的ifc canteen，這天又與母親大人來到食飯。因為時間尚早，於是向下午茶進攻。竟給我找到這個叫日式雞軟骨漢堡，當然立即要啦!
見到個包既一刻，真係有d感動。
係咪好靚?!
食味?
唔，可以講係一個漢堡包，有dd咬口。
不過，最開心都係一旁既薯仔沙律，又靚又好食!
若果冷氣不是令包涼了，相信會更好味!























*呢個係大人要的炒蘿蔔糕，味道就....普通啦!

can.teen
地址:中環ifc國際金融中心1081號舖
電話:2167 8665

家族茶聚....這味是炸蝦...不過面層脆粉有乾坤

之前與父母及妹妹一同在二宜樓飲茶。
母親大人說這點心很好吃。
當這蝦來到，簡直嚇死人!
長大都唔重要，最重要是那面層炸粉，其不是現成貨，而是將大塊麵糰再切成細絲。
即同樣是麵糰，但沒有再做其他加工，而是用人手切成的炸粉皮。
好處，那種爽及脆已是吃不停口，不像一般炸粉而是像在吃炸麵一樣。
再加上不油膩的口感，令人吃下去只有清爽感覺，真的超讚!
雖然食味好，蝦也夠大隻，但亦不會想這是甚麼游水蝦吧!
總之大大隻一大碟，也無話可說!

*大大堆的炸粉一點也不肥膩，而橙色的是蟹子。

*左邊的是蝦肉，沒想像中美味，也不錯!

*蝦肉打開，是不是很大件?當然是雪蝦，也不盼望有蝦味了!

二宜樓
地址 : 灣仔告士打道138號聯合鹿島大廈1樓
電話 : 2511 1228

簡單也是美...三十幾蚊的米線唔會比三千幾蚊差!

這天見以前教會既傳道人。
傾談中講到一個月要用幾多錢先至夠。
而家既我，真係話多有多駛小有小駛。
唔一定要食松露，只要係一D自己想食既野就已經好好味。
呢日在佐敦，我點都唔肯陪老友去葵芳食飯。
食到我厭晒!
於是半拉她去呢間食米線。
好耐好耐無來。
真係開心到死!
呢個雜錦米線係我最愛，因為料多又唔肥膩。
加上我要唔辣，亦唔怕之後咳到死!
大到好似洗臉盤既米線，最後食到只係剩少少米線。
真係好滿足!
三十幾蚊買到的快樂，並不一定比三千幾蚊來得更多。
老友，當然能與你一同吃，也是快樂原因之一。
世事，不一定要貴才是好，平凡也是一種美。

*可以睇到有幾多料，而家望到都想食!可惜怕咳，所以無叫辣雞翼，亦不可惜!

*友人叫既豬潤加大腸麵，都好好味!

*加多幾蚊有杯熱檸茶....係，而家好乖只飲熱飲。

景霖正宗四川麻辣米線
地址 : 香港九龍佐敦白加士街17號伯嘉士大廈地下(近寶靈街)
電話 : 2375-5699

湯丸有三粒!

而家去食甜品，動不動就要幾十蚊，難怪話糖水店好賺。
事實呀! 呢日同老友食糖水，佢要湯丸我要紅白。
來到，例牌我一定拍照，又紅又白好開心!
朋友就一定幫我兜起湯丸。
我以為佢係想幫我拍得好d。
佢在我拍照時，失驚無神講咗一句: 湯丸得三粒!
哈哈哈!
不愧我老友呀!

二十、三十蚊一碗蕃茄味拉麵下午茶....仲想點?

點解去呢間店?
因為為某報安排採訪，在中場等安排時，當然要立即食個飯啦!
原來呢間店既下午茶超抵食，好似呢個蕃茄湯麵再加送一個小食小籠包，仲有一杯飲品都只係二十、三十幾蚊。
雖然負責人請我地食，但真係抵食到無話可說。
究竟呢次拍咗d咩?
等出咗先介紹啦!
不過，咁既價錢，真係無話可說。

*除咗有碗麵仲有點心選擇，我就選了小籠包，雖然有d黏，但仲想點。

《 西 遊 記 》
地址: 香港九龍尖沙咀亞士厘道22號
電話: 3622 2751

在香港旺角砵蘭街食肉醬茄子意粉~

呢日行開旺角砵蘭街附近，正在煩惱又要趕時間又要吃飯，給我見到這間餐廳。
呵~我一向少...甚至絕無僅有地在旺角砵蘭街出現。
於是，便入內吃個快飯!
吃了甚麼?又肉醬意粉?
因為，我認為這是出事機會率最少的食物。
而且，我給這叫茄子肉醬意粉名字所吸引。

是的，名字真的有趣! 食物?
就是肉醬意粉咯!
Haha!!!!加了茄子也是肉醬意粉，難道我以為會

變成白汁意粉嘛?!
真笨!^^

*食物相沒轉turn色，因為發現turn相後便不像原來食物的顏色。而面層就係茄子啦!

*不知為何，熱檸茶既茶真係濃到無朋友!

佳記餐廳
地址:香港九龍旺角砵蘭街163-173號
電話:2332 0777