肉醬多過粉既肉醬千層麵

呢間位於奧海城既Uncleruss Coffee，
我望了好耐但次次都望門而不入。
因為?真係幾鬼佬咯!
唔係驚講英文，咪玩!手指都得啦!
只係，鬼佬食物一定heavy一係好鬼菜，非常極端。
其中，呢個肉醬千層麵就係我目的物。
一直都係望。
呢日終於忍唔住行入去，然後要了呢個肉醬千層麵及一杯咖啡。
原本只係要麵，但佢地話可以要餐加多幾蚊就有杯咖啡，當然要啦!
一面看書一面食呢個肉醬麵，你估係點?
我想要碗白飯!^^
係真口架!因為，呢個麵真係好鬼佬，非常之多肉醬。
真係肉醬佔既比例達八成就知!
嘩，個一刻想要既唔係咖啡而係紅酒，你就知有幾勁!
不過，味道又真係幾好!因為佢地外賣是微波爐盒，所以番去放入去就得，然後加多個意粉，夠兩個人食。
^^真係超正.....若果多個白飯就更好!

*呢杯咖啡都ok，不過再熱d就更加好!

Uncleruss Coffee
地址: 九龍奧海城G 21號舖
電話: 2273 4013

這個奶皇糯米糍比較讓人吃得開心!

大家看這欄也知，有不少是酒樓點心的介紹。
但各位有沒有想過，事實.....我小時候是很怕去酒樓飲茶食點心。
因為?我怕太油之餘，食物可選擇不多。
當年那會像現在般多選擇!
好了，有得選擇也不代表水準一定可以維持，這就是現在去食店的有趣處。
就像玩估大細，不到最後也不知結果如何!
這天特別請求父母與我去灣仔德興飲茶，目的是想他們試一試那話梅豬手。
來到，才知沒有賣了，失望得令我想走。
但人已坐下，上一次的食物也不錯，還想可以滿足兩老。
偏偏要了大堆食物，很好不是很差也不是。
總之沒有驚喜了!
原來，甚麼情況下.....回憶都是最好的，沒有期待也是最快樂的。想想也要過一段日子才去，可能才會有新的回憶吧!

*呢個奶皇糯米糍，都ok。

*這是南瓜粥，不溫不火吧!

*長長手指型春卷，最後才到!現在酒樓流行食物!

*呢個帶子餃沒有上一次的多料，但仍然ok!

*當然有糯米多到唔見晒料既糯米飯!^^

*也算熱但乾乾身的炸鯪魚球!

德興酒家
地址: 灣仔柯布連道 9-13號建利大廈 1 字樓 (地鐵灣仔站 A1 出口)
電話: 2511 3456

去旺角食羊扒肥牛包

由11月30日起 - 限量供應

冰室 Burger三兄弟

Prawn Burger蝦蝦霸霸 $28

可自由選配日本紫菜＼甜酸醬＼蛋黃醬

Lamb Burger蒙羊大暖包$26可自由選配薄荷醬＼生洋蔥

Beef Burger肥牛包青天$26

可自由選配番茄\生菜＼芥末＼茄汁(以上三款均可加$2增值配泠飲一杯或加$15

配House 紅酒或白酒一杯)

旺角砵蘭街冰室

日期 ： 即日起

時間 ： 早上07:00 - 凌晨1:00

地址 ： 旺角通菜街(女人街) 75-77號地下 (銀行中心E2出口)

電話 ： 2395-0777

讚完又讚的點心....呢個係「懷舊火腩卷」!

前時與父母去旺角稻香飲下午茶，本來想去「迎囍」，但門口位阿姐話同稻香一樣，於是安排去稻香個邊飲茶。好啦!有茶飲就得，因為呢日真係疲倦到無朋友。
入到去坐低，先發現有好多野食，而且仲好多不同款式。
包括呢個白色既包.....懷舊火腩卷!
係味好正?!
因為知道父親大人十分懷念呢類美食，當然立即order一客。
難得包夠熱又唔肥，讚!
然後下下圖的小籠包又值得一讚!特價之餘再睇造型，再讚!
那個好似金魚的灌湯餃，賣相一流食味ok又係特價!再讚讚!
最可怕係連個碗仔翅都好味，因為夠熱值多一個讚!
連花枝餅都夠熱，又一個讚。
總之呢日係咁食，又食得好，最重要唔貴，真係無話可說!
不過，唔知下一次去仲係咪一樣咁好?
事關而家連鎖式酒樓最易水準好似過山車，只希望下次去都仲有好口野食啦!

*呢個懷舊火腩卷$11.8，係咪好想食?

*呢個蟹粉小籠包，賣相超靚!

*想唔到連呢個碗仔翅夠熱又夠味，估唔到!

*仲有呢個金魚狀既灌湯餃，係咪想咬一口?!^^

*花枝餅又係夠熱，超好味!

*仲有呢個椰汁千層糕，比在杏花村那間更好食!

*例牌煎蘿蔔糕及馬蹄糕!

*仲有鳳爪及排骨!

稻香超級漁港地扯：九龍旺角彌敦道639號雅蘭中心3樓B舖電話：2390 0882
>>佢地在網頁上仲推介以下的點心，唔知下次會唔會去食?五星燒賣皇$18.8

鮮蝦蔥油餅$14.8

鴛鴦雙潮$11.8

蒸釀節瓜甫$14.8

芋茸焗布甸$11.8

香麻皮蛋酥$11.8

甜粟花枝餅$11.8

懷舊火腩卷$11.8

蘿蔔糕拼馬蹄糕$11.8

紅油抄手$11.8

百花娃娃菜$11.8

XO醬炒蘿蔔糕$14.8

食兩個麵包+件蛋糕再加杯茶=近百蚊?

食兩個麵包+件蛋糕再加杯茶=近百蚊?
係呀!食個麵包+件蛋糕再加兩杯茶真係要近百蚊!
好簡單，每一樣野計佢二十蚊都要啦!好彩個麵包幾蚊至十幾蚊，唔係仲貴。
所以大人話佢地太貴啦!
但佢地就係sell悠閒地食件餅飲杯茶，當然要賣貴d!
雖然佢地係美心集團旗下既店。
所以我無同阿太講，為免更覺唔值。
其實而家舖租貴，所以人家收貴d都無可厚非。
只係，去食個意粉可能感覺抵d，但想同朋友坐低飲杯茶食個包，又係唔錯選擇。
當然，我成日話去酒店食都一樣唔貴，係睇你想食d咩咋!
你要去酒店食松露，我一定幫你唔到!
呢日，我個蛋糕真係幾好食，其實佢地既蛋糕平均二十幾蚊件，唔算貴，若果唔飲杯茶仲平。 *上圖呢個芝士磨菇包，賣相對靚。

*另一個係普通既芝士麵包，賣相一樣好靚!

*個蛋糕真係好好味，最重要底層係好硬好實既朱古力brown，食一個咩都唔駛食!




*個花茶好香好好飲，我要多一碗熱水方便加水唔駛煩人!

simplylife

地址: 香港鰂魚涌太古城中心一樓142號舖

電話: 2967 8163

我與美食有緣....始動!!

大家好!我終於在facebook及這裡開始了《我與美食有緣》的拓展。

原來在yahoo blog內已寫了年多網誌，現在的拓展，是讓這個食的信念，可以更加擴大!

當然，這裡可以加添廣告位!

但更重要增加地域進展，才可以讓更多人認識這個《我與美食有緣》的意念。

同時，大家也可以在facebook組群找到我的踪蹤影。

只要大家係登入Facebook之後，係Groups內搜尋「我與美食有緣(生活版)」，再按Join this Groups便可以。

我會定時update新的飲食生活資料，希望能與大家分享我的想法!

祝福大家，每天身心也得飽足!