肉醬多過粉既肉醬千層麵

呢間位於奧海城既Uncleruss Coffee，
我望了好耐但次次都望門而不入。
因為?真係幾鬼佬咯!
唔係驚講英文，咪玩!手指都得啦!
只係，鬼佬食物一定heavy一係好鬼菜，非常極端。
其中，呢個肉醬千層麵就係我目的物。
一直都係望。
呢日終於忍唔住行入去，然後要了呢個肉醬千層麵及一杯咖啡。
原本只係要麵，但佢地話可以要餐加多幾蚊就有杯咖啡，當然要啦!
一面看書一面食呢個肉醬麵，你估係點?
我想要碗白飯!^^
係真口架!因為，呢個麵真係好鬼佬，非常之多肉醬。
真係肉醬佔既比例達八成就知!
嘩，個一刻想要既唔係咖啡而係紅酒，你就知有幾勁!
不過，味道又真係幾好!因為佢地外賣是微波爐盒，所以番去放入去就得，然後加多個意粉，夠兩個人食。
^^真係超正.....若果多個白飯就更好!

*呢杯咖啡都ok，不過再熱d就更加好!

Uncleruss Coffee
地址: 九龍奧海城G 21號舖
電話: 2273 4013